د ارزګان ولايت دکډوالو او راستنېدونکو چارو آمریت

ارزګان کې له ۱۰۰ څخه زياتو بيځايه شويو کورنيو سره مرسته وشوه

 

د ارزګان ولايت د کډوالو چارو آمريت د نړيوالو مرستندويه ادارو په همکارۍ ۱۲۸ بيځايه شويو کورنيو سره د خوراکي موادو او د کور د سامان مرسته وکړه.

دغه مرستي چی د وری له ۲۶ تاريخ څخه تر ۲۸ پوري يې دوام وکړه د خوراک نړيوال سازمان WFP له لوري خوراکي توکي او د ملګرو ملتونو د کډوالو ادارې UNHCR له لوري کومکې کڅوړي او د ماشومانو د  حمايت ادارې له لوري ورسره د روغتیايې کڅوړه مرسته وشوه.

يادې کورنۍ د نا امنيو له امله د خاص ارزګان او چوې ولسواليو څخه د ارزګان ولايت مرکز ترينکوټ ته بيځايه شوي وي. 

په ارزګان ولایت کې له ۴۰ څخه د زیاتو بې ځایه شویو کورنیو سره د WFP او UNHCR لخوا مرسته وشوه.

د ارزګان ولایت د کډوالو چارو آمر عبدالقهار د معلوماتو پر بنسټ د ۱/۴/۱۳۹۴  نیټه ۴۴ کورنۍ د خاص ارزګان ، شهید حساس او دهراود له ولسوالیو څخه ددغه ولایت مرکزترینکوټ ته بې ځایه شوې دي.

منبع زیاته کړه چې ددغه ادارې تر څارنه لاندې د NRC مؤسسی لخوا هرې بې ځآیه شوې کورنۍ ته ۶۰۰۰ افغانۍ او د WFP  لخوا هرې یادی شوې کورنۍ ته ۱۵۰ کلیو ګرامه غنم ،۱۵ کیلو ګرامه غوړي ، ۱۰ کیلو ګرامه دال ، ۱ کیلو ګرامه مالګه او د یوکارتن بیسکوټو مرسته شوېده.