دپکتيکا ولايت کډوالو او راستنېدونکو چارو آمریت

پکتيکا کې بېځايه شويو کورنيوسره مرسته وشوه

 

(UNHCR) موسسې له لوري دپکتيکا ولايت دکډوالو او راستنېدونکو چارو رياست په همکارۍ ۷۵بېځايه شويو کورنيوسره دغيرې خوراکي موادو مرسته وشوه  

يادې کورنۍ،چې دشمالي وزيرستان څخه دجګړو له امله  ددغه ولايت مرکز ته راکډه شوې وې دتېرې شنبې پّ ورځ  مرغوميپه ۱۵مه  هرې کورنۍ ته درې دانې کمپلې، يوه بخارۍ او ۱۷۵کيلو لرګيو مرسته ووېشل شوه.

پکتيکا کې بېځايه شويو کورنيوسره مرسته وشوه

دملګرو ملتونو دکډوالو ادارې (UNHCR)  له لوري  د پکتيکا ولايت دکډوالو او راستنېدونکو چارو رياست په همکارۍ ۷۵ بېځايه شويو کورنيوسره  د غېرخوراکي  موادو مرسته وشوه.

يادې کورنۍ چې دنا امنيو له امله د بېلابېلو سيمو څخه ددغه ولايت مرکز ته بېځايه شوې وې دتېرې يکشنبې  په ورځ دمرغومي په ۹مه دملګرو ملتونو دکډوالو ادارې (UNHCR)  له لوري هرې کورنۍ ۴۰ منه لرګي،۱ خېمه، ۱ بخارۍ او ۳ دانې کمپلې مرسته ووېشل شوه.

پکتيکا ولايت کې له بېځايه شوو کورنيو سره د خوراکي موادو مرسته وشوه

  د خوراک نړيوال سازمان (WFP) له لورې د پکتيکا ولايت د کډوالو چارو رياست په همکارۍ له ۲۲۷ بېځايه شوو کورنيو سره د خوراکي توکو مرسته وشوه.

يادې کورنۍ ، چې د نا امنيو له کبله د ارګون او برمل ولسواليو څخه ددې ولايت مرکز ته رابېځايه شوې وې د تېرې چهارشنبې په ورځ د ليندۍ مياشتې په ۲۸ مه له يوې سروې وروسته هرې کورنۍ ته ۴  بوجۍ اوړه ، ۱۴ کيلو غوړي، ۱۴ کيلو دالنخود او يو کيلو مالکه ورکړل شوه.

پکتيکا کې له ۲ زره او ۶۰۰ څخه زياتو بېځايه شويو کورنيوسره مرسته وشوه

 

دخوراک نړيوال سازمان (WFP) له لوري د پکتيکا ولايت دکډوالو او راستنېدونکو چارو رياست په همکارۍ ۲۶۸۳ بېځايه شويو کورنيوسره دلړم دمياشتې په ۲۷مه دخوراکي موادو مرسته وشوه.

  ديادو  کورنيوله ډلې  ۲۵۰۰ کورنۍ دپکتيکاولايت دبرمل ولسوالۍ او ۱۸۳ کورنۍ د اورګون ولسوالۍ څخه ددغه ولايت مرکز ته راکډه شوې وې،چې هرې کورنۍ ته يوه بوجۍ غنم، يوه پنځه کيلويي قطۍ غوړي او يومن دالنخود مرسته ووېشل شوه.

پکتيکا کې بېځايه شويو کورنيو سره نغدي او دخوراکي موادو مرسته وشوه

دپکتيکا ولايت دکډوالو او راستنېدونکو چارو رياست د سولېډايريټي موسسې په همکارۍ د ۱۳۰ بېځايه شويو کورنيوسره چې د ګومل او ددغه ولايت په مرکزي سيمو کې مخکې سروې شوې وې نغدي او دخوراکي موادو مرسته وشوه.

ددغو مرستو له ډلې  تېره پنجشنبه  دتلې د ۱۳مې څخه تر ۱۵مې نېټې پورې يې هرې کورنۍ ته ۱۸۰۰۰ افغانۍ نغدې او يو ګرځنده تشناب، روغتيايي کڅوړو او کمپلو مرسته ووېشل شوه.