دسمنګان ولايت دکډوالو او راستنېدونکو چارو آمریت

کاپيسا او سمنګان ولايتونو کې بېځايه شويو کورنيوسره دغېر خوراکي موادو مرسته وشوه

دسمنګان  او کاپيسا ولايتونو  دکډوالو او راستنېدونکو چارو رياستونو د ( MPU) او ( DACAR ) موسسې په همکارۍ ۹۴ بېځايه شويوکورنيوسره دغېر خوراکي مواو دو مرسته وشوه.

ددغو مرستو له ډلې دسمنګان ولايت دکډوالو او راستنېدونکو چارو رياست د ( MPU) موسسې په همکارې ۸۰ بېځايه شويو کورنيوسره چې دنا امنيو له امله ددرصوف ولسوالۍ څخه ددغه ولايت مرکزته بېځايه شوې وې ۳دانې کمپلې، ۲دانې ترپالونه، يوه ګازډبه او دکور دضرورت وړ موادو مرسته وشوه.

 

همدارنګه د کاپيسا ولايت دکډوالو او راستنېدونکو چارو رياستد ( DACAR ) موسسې په همکارۍ ۱۴ بېځايه شويو کورنيوسره چې دبغلان او کنړولايت  دنا امنو سيمو څخه ددغه ولايت مرکز ته بېځايه شوې وې هر کورنۍ ته بيل، کلنګ، ترپال، سيمټ اودکور دضرورت وړ موادو مرسته ووېشل شوه. 

د سمنګانو ولایت دکډوالو چارو د آمریت له لارې او GIZ مؤسسې په مرسته د ۲۴/۲/۱۳۹۴ نیټه د دغه ولایت په مرکز کې د څلورو پروژو پلی کیدل پيل شول.

د سمنګانو ولایت د کډوالو چارو د آمریت د سرپرست ذبیح الله اختري د معلوتو پر بنسټ د څلورو پروژو پلي کیدل د۳۲ شلټرو جوړول، د۲ څاګانو کیندل، دڅلورو دانو پلچکو جوړول اود خیاطۍ، پشم ریسی او سواد زدکړې کورسونه په کې شامل دي د ۲۴/۲/۱۳۹۴ نیټه د د غه ولایت په مرکز ایبک ښاراړوند کې پیل شول.

سرچینې زیاته کړه چې د یادوشویو کورسونوپه پیل سره به چې څلور میاشتې به دوام وکړي ، ۵۰ تنه ښځینه به د خیاطۍ، پشم ریسی او سواد زدکړې په برخو کې زدکړه ورکړل شي.

همدارنګه د یادو شویو شلټرو ، پلچکوجوړونې او څاګانو د کندنې د کار په تکمیل سره چې ۳ میاشتې به دوام وکړي ، دیوشمیر زیاتو بې سر‍پناه کورنیو ستونزې به د څښلو د اوبو، سرپناه او د لارې د تلو او راتلو په برخه کې چې مخکې یې د نو آباد د ګل قشلاق او د ایبک د میر کلال په سیموکې پلچک نه درلودل رفع شي.