دپنجشېر ولايت دکډوالو او راسنېدونکو چارو آمریت

پنجشیر ته د ۱۰۱ بې ځایه شویو کورنیو سره مرسته وشوه

د لغمان، نورستان، بغلان، تخار او بدخشان ولایتونو څخه پنجشیر ولایت ته د ۱۰۱ بې ځایه شویو کورنیو سره مرسته وشوه.

د پنجشیر ولا یت د کډوالو چارو د آمر عبدالمجید نوروزي په خبره د لغمان، نورستان، بغلان، تخار او بدخشان ولایتونو څخه د دغه ولایت مختلفو سیمون ته د ۱۰۱ بې ځایه شویو کورنیو سره د وږي د ۱۲ نه تر ۱۵ نیټې پورې د UNHCR، WFP، اوWSTA موسسې لخوا د دغه ادارې ترڅارنه لاندې د کډو ټیمونو په وسیله مرسته وشوه.

عالمی بلخی د پنجشیر ولایت له چارواکو سره وکتل

د کډوالو او راستنیدونکو چارو وزیر، د پنجشیر ولایت د طبیعي پیښو د زیانمنو د ستونزو د هواري په موخه، د دغه ولایت ولایتی شوراته ژمنه ورکړه.
د کډوالو او راستنیدونکو چارو وزیر سید حسین عالمی بلخی، پرون پنجشیر ولایت ته سفر وکړ او د هغه ولایت له چارواکو او ولایتی شورا له استازو سره یې وکتل.
د پنجشیر ولایت چارواکو او ولایتي شورا استازو د۶۵۰ کورنیو په اړه چې تیر کال د واورې ؤریدني له امله بې ځایه او کورونه یې له منځه تللی وؤ د کډوالو او راستنیدونکو وزیر ته معلومات ورکړل وویل چې زیاتره یادې کورنۍ اوس هم په بدو شرایطو کې ژوند کوی او پناه ځای ته اړتیا لري
دوی زیاته کړه چې د ۶۵۰ زیانمنو کورنیو له جملې څخه، ۲۰۰ کورنۍ یې د پروان ولایت د کډوالو په ښارګوټي کې ځای په ځای شوې، خو د کمپ د شاو خوا اوسیدونکو لخوا ورته مزاحمت کیږي.
عالمی بلخی د پنجشیر ولایتی شورا د استازو توضیحات او وړاندیزونه واوریدل او وویل چې د بغلان د کډوالو ښارګوټۍ تر کار لاندې دی اود ځمکې د غاصبینو په برخه کې د یاد ښارګوټي ستونزه به د وزیرانو د شورا دراتلونکيو نا ستو د اجندا یوه برخه وي.
نوموړي زیاته کړه چې د بغلان د کډوالو په ښارګوټي کې د شته ستونزو په لریکولو سره به په دغه ښارګوټي کې د پنجشیر ولایت د طبیعي پیښو زیانمنو ته ښه شرا یط برابر شي.
عالمي بلخي زیاته کړه چې د پروان ولایت له چارواکو سره به په تماس کې د پنجشیر ولایت د بې ځایه شویو ستونزې ته چې د پروان د کډوالو په ښارګوټي کې استوګن دي، رسیدګي وشي.
همدارنګه د کډوالو او راستنیدونکو چارو وزیر د پنجشیر ولایت د کډوالو چارو له آمریت څخه هم لیدنه وکړه.
د پنجشیر ولایت د کډوالو چارو آمر عبدالمجید، د طبیعي پیښوله امله د بې ځایه شویو په اړه د دغه ادارې د کړنو او هغوی ته د مرستو ویشلو او د دغه ادارې د پلانونو په اړه معلومات ورکړل او د آمریت د ساختمان په برخه کې یې د ستونزو یادونه وکړه.
عالمي بلخي د کډوالو چارو دآمریت د ساختمان په برخه کې د ستونزې په اړه د پنجشیر ولایت له چارواکو سره خبرې وکړې او په اړه یې تفاهم وشو.
د کډوالو چارو وزیر وروسته بیا د شهید احمدشاه مسعود قبرته ولاړ او دهیواد دخپلواکۍ او آزادۍ ټولوشهیدانوته یې دعا وکړه.
عالمي بلخي سره په دې سفرکې د اطلاعاتو او عامه اړیکو او ولایتي چارو دهمغږۍ رئیسانو ملګرتیا کوله .

په پنجشیر ولایت کې د طبیعی پیښونه ۱۸۰۰ زیانمنو کورنیو د ۱۳۹۴ کال دغبرګولي میاشتې په بهیر کې د کډوالو اوراستنیدونکو چارو وزارت له لارې د سعودی عربستان مرستې وویشل شوې.

د پنجشیر ولایت د کډوالو او راستنیدونکو چارو آمر انجنیر عبدالمجید ددغه وزارت د اطلاعتو اوعامه اړیکو ریاست خبریال ته وویل چې د سعودی عربستان دغه مرسته هرې کورنۍ ته ۱۰ کیلو ګرامه اوړه ،۵ کیلو ګرامه وریجی، ۳ لیتره غوړي،۳ کیلو ګرامه بوره ،او ۳ کیلو ګرامه لوبیا وه.

سرچینی زیاته کړه چې یاده شوې مرسته ددغه وزارت د ټولینزو چارو د سلا کار حیات الله سباوون ،د سعودی عربستان د هیواد هیته الاغاثه الاسلامیه مؤسسی دعمومی رییس ابواحمد حسن شحبر او ددغه ولایت د ځینو نور ادارو تر څارنه لاندې د پریان،حصه اول،دره،عنابه، آبشار،شتل،ولسوالیو او پنجشیر ولایت د مرکز اړوند کې د ۱۳۹۳ کال  د ژمي د واورې ښویدنې له کبله ۱۸۰۰ زیانمنو کورنیو او ۸۰ نورو کورنیو ته چې ددغه ولایت نه د پروان ولایت د باریک آب دکډوالو ښارګوټي ته لیږدول شوې دې وویشل شوه.

 د پنجشیر ولایت په مختلفو سیمو کې د تیر کال د ژمې سختو واورو وریدنو او  واورو ښویدنو ۵۸۰ کورنۍ زیانمنې او سلګونه تنه ژوبل او هلاک کړی وؤ.