دپناه غوښتونکومرستيالې په کابل کې د امريکا د کډوالۍ اسيا برخې له مسؤلې سره وليدل
د کډوالو او راستنېدنکو چارو وزارت د پناه غوښتونکو مرستيالې ډاکټرې عالمې د لړم په ۲۲مه د امريکا د کډوالۍ د اسيابرخې له مسؤلې اغلې ايميلي مستيتکسی سره په يونان کې د افغان کډوالو وضعيت، کډوالو لپاره دامريکا د پلان شوو مرستو او د يونان څخه د افغان کډوالو په راستنېدو خبرې اترې وکړې.
اغلې ايملي مستيتکي په دغه ليدنه کې اعلان وکړ،چې د امريکا متحده ايلات به ډېر ژر د افغانستان سره ۶ ميليونه ډالره مرسته وکړي او دغه مرستې به دنړيوالو مرستندويه ادارو له لورې د افغان کډوالو وضعيت ښه والي په موخه ولګول شي.
د کډوالو چارو وزارت د پناه غوښتونکو مرستيالې د امريکا متحده ايالاتو مرستو دمننې ترڅنګ په دې ټينګار وکړ چې غوره به وي چې ځانګړې شوې مرستې د راستنېدونکو د برنامې په څېر له سولې وروسته دنور برنامو اړوند په لومړيتوب کي وي.
