د کډوالو چارو وزارت د خوراک نړيوال  سازمان  سره  دهمکاريو هوکړه ليک لاسليک کړ

sadam_morr
چهارشنبه ۱۳۹۸/۲/۲۵ - ۹:۱۸
وزارت مهاجرین با اداره سازمان غذایی جهان تفاهمنامه همکاری امضا کرد

داسکوب برنامې دهمکاريو هوکړه ليک د کډوالو چارو وزارت او خوراک نړيوال سازمان  (WFP) ترمنځ د هېواد د اجرايه رئيس  په شتون کې د تېرې سې شنبې په ورځ د عويي په ۲۴مه په سپينه ماڼۍ کې لاسليک شو.

د ياد هوکړه ليک پر اساس به دوه ادارې يوځای کار کوي تر څو زيانمنونکي ټولنې ته د لاس رسي د ښه والي، دبېځايه شوو، راستنېدونکو، زيانمن شوي او پناه غوښتونکي د نوو او پياوړو وسايلو په واسطه وپېژندل شي او ددوی لپاره اغېزمنې او رڼې مرستې تيارې شي.

همدارنګه دوه ادارې د اسکوب برنامې په پلي کولو، چې بشري مرستو دوېش د  روڼتيا په موخه طرحه شوي او رامنځ ته شوي  هلې ځلې کوي.

د اسکوب برنامه د مرستو وېش د ډيجټال سيستم له لارې ده، چې دمرستو په وېش کې روڼتيا رامنځ ته کوي.

دملي وحدت حکومت اجرايه رئېس ډاکټر عبدالله عبدالله په دغه برنامه کې وويل، چې د ياد هوکړه ليک لاسليک مستقيم او مثبت تاثير د راستنېدونکو او بېځايه شوو پر وضعيت لري. ددې پروګرام پيل به دبشري خدمتونو او پراختيا دواړو سره سم وي.

ډاکټر عبدالله عبدالله  دخوراک نړيوال سازمان د دوامداره ملاتړ څخه مننه وکړه، او دکډوالو چارو وزارت ته يې لارښوونه وکړه، چې ددې فرصت څخه د راستنېدونکو او بېخايه شوو د وضعيت دښه والي په برخه کې ګټه واخلي، ځکه هر ډالرچې هېوادونه  يې د افغانستان سره مرسته کوي دماليې ورکوونکي پېسې دي او که افغان حکومت دغه مرستې په روښانه توګه وکاروي، بسپنه ورکوونکوته به ډېره هڅونه وکړي او دفساد له منځ وړلو لپاره به اوږ ګام پورته کړي.

اجرايه رئيس وويل، چې له بده مرغه، دجګړې دوام او بېلابېلو پېښو له کبله په هېواد کې دبېځايه شوو او راستنېدونکو کچه لوړه ده او دا پروګرام چې په ټوله نړۍ کې مثبت دی، افغانانو ته ډېر ممهم دی.

دکډوالو او راستنېدنکو چارو وزير سيد حسين عالمي بلخي وويل، چې د کډوالو چارو وزارت او خوراک نړيوال سازمان  دهوکړه ليک په لاسليک کولو سره د  ۲۰۲۲ کال پورې به د اسکوب په پروګرام ګډ کارکوي.

هغه زياته کړه، ددې پروګرام له لارې به ټول راستنېدونکي او بېځايه شوي ثبت او راجستر شي، ترڅو هم وپېژندل شي او هم هغه مرستې چې دوی ته په نظر کې نيول شوي په شفاف ډول ددوی ترلاس ورسېږي.

دافغانستان لپاره د خوراک نړيوال سازمان مشر، ښاغلي زيلتين مليسيک وويل، موږ خوښ يو چې په افغانستان کې مو نوی پروګرام پيل کړاو د بېځايه شوو او راستنېدونکو په برخه کې يو نيک ګام دی. هغه زياته کړه، چې دخوراک نړيوال سازمان تل دبشري مرستو دښه والي لپاره دافغان حکومت سره کار کولو ته ژمن دی. 

ښاغلي مليسيک وويل، چې زموږ تجربه ددې سيستم څخه داده چې ددې په عملي کولوسره به ناوړه ګټه اخيستنه له منځه لاړه شي او روڼتيا به رامنځ ته شي. دخوراک نړيوال سازمان  (WFP)به ددې پروګرام  د عملي کولو لپاره ټول اړين وسايل دکډوالوچارو وزارت ته وړاندې کړي  او ددې وزارت دکارکوونکو د ظرفيت لوړولو پروګرام به هم ولري.

 

 

تازه خبرونه

شنبه ۱۳۹۸/۵/۱۲ - ۱۰:۰
Background image

د دايکندي ولايت د اشترلي ولسوالۍ ټولنيزې شورا خپلې ستونزې دکډوالو چارو وزير سره شريکې کړې

د کډوالو او راستنېدونکو چارو وزير سيد حسين عالمي بلخي  په کابل کې د دايکندي ولايت د اشترلي ولسوالۍ ټولنيزې شورا بېځايه شوو سره د تېرې چهارشنبې په ورځ د زمري په ۹مه په کډوالو چارو وزارت. . .

شنبه ۱۳۹۸/۵/۱۲ - ۹:۵۴
Background image

کډوالو وزير د تخار والي سره وليدل

د کډوالو او راستنېدونکو چارو وزيرتخار ولايت دوالي عبدالحق شفق سره د تېرې چهارشنبې په ورځ د زمري په ۹مه په کډوالو چارو وزارت کې د تخار ولايت د داخلي بېځايه شوو وضعيت د ښه والي په اړه. . .

چهارشنبه ۱۳۹۸/۵/۹ - ۸:۴۴
Background image

د کډوالو چارو وزارت د پلان او پالېسۍ مرستيال په ترکيه کې د افغان کډوالو پر قانوني شتون ټينګار وکړ

د کډوالو چارو وزارت د پلان او پالېسۍ مرستيال مهر خدا صبار د کډوالۍ په برخه کې د ترکيې هېواد د کورنيو چارو وزارت سلاکار سره په ليدنه کې په هغه هېواد کې د افغان کډوالو په قانوني شتون. . .

بېرته خبرونه ته