د پناه غوښتونکو مرستيال د پراختيا لپاره د GIZ د کډوالۍ برنامې له استازي سره وليدل
د کډوالو او راستنېدونکو چارو وزارت د پناه غوښتونکو مرستيال وفي الله کاکړ د پراختيالپاره د المان د همکاريو ادارې GIZ PME له استازي متيو روديک سره وليدل اود افغانستان دکډوالۍ په چارو کې يې ددې دفتر د دوامداره غړيتوب ستاينه وکړه.
دواړو لوريو د همکاريو په نوي اعلاميه کې خپل نظرونه شريک کړ چې د مي مياشت کې به لاسليک شي.
همدارنګه د نړيوالې ټولنې د همکاريو له لارې په هوايي ډګر کې د راستنېدونکو لپاره د ملاتړ، د کډوالو او راستنېدونکو چارو وزارت سره د (IT) په برخه کې تخينکي همکارۍ او د کډوالۍ نړيوالې ورځې لپاره د ملاتړ په اړه هم خبرې وکړې.
په پای کې وفي الله کاکړ او د المان د همکاريو ادارې PME برخې مسؤل موافقه وکړه، چې د GIZ دفتر د پراختيا لپاره د کډوالۍ برنامې توضيحاتو لپاره يو تخنيکي ټيم رامنځته کړي.
